ஜெயலலிதா கைப்பட எழுதிய உணவுப் பட்டியல் வெளியீடு

ஜெயலலிதா கைப்பட எழுதிய உணவுப் பட்டியல் வெளியீடு:

Tamil-imageஆறுமுகசாமி விசாரணை ஆணையத்தில் மருத்துவர் சிவக்குமார் தாக்கல் செய்த ஜெயலலிதா கைப்பட எழுதிய உணவுப்பட்டியல் தற்போது வெளியிடப்பட்டுள்ளது. 

ஆகஸ்டு 2ம் தேதி 2016 தேதியிடப்பட்ட அந்த பட்டியலில் ஜெயலலிதா காலை முதல் இரவு வரை என்ன உணவு உட்கொள்ள வேண்டும், தனது எடை உள்ளிட்ட விவரங்களை எழுதியுள்ளார். 

காலை 5 மணிக்கு, இட்லி, பிரெட், காபி மற்றும் இளநீரை உணவாக ஜெயலலிதா சாப்பிட்டு வந்துள்ளார். மேலும் காலை 5.45 மணிக்கு- க்ரீன் டீ, 8 மணிக்கு- ஆப்பிள், காபி, போர்பன் பிஸ்கெட்ஸ் ஆகியவற்றை ஜெயலலிதா உட்கொண்டுள்ளார். 

மதிய உணவாக 2 மணிக்கு- 1 1/2 கப் பாஸ்மதி அரிசி, தயிர்- 1 கப், மஸ்க் மெலந் 1/2 கப். மாலை 5.45 மணிக்கு காபி- 200 மிலி. இரவு உணவை 6.30 மணி முதல் 7.15 மனிக்குள் ஜெயலலிதா சாப்பிட்டு வந்துள்ளார். 

அப்போது வால்நெட், உலந்த பழங்கள்- 1 கப், தோசை- 1, பிரெட்- 2 துண்டுகள், பால்- 200 மிலி போன்றவற்றை ஜெயலலிதா இரவு உணவாக சாப்பிட்டுள்ளார். இந்த பட்டியலை ஜெயலலிதா எழுதிய ஆகஸ்டு 2, 2016 அன்று அவர் 106.9 கிலோ எடையில் உள்ளதாகவும் குறிப்பிட்டுள்ளார். 

தற்போது வெளியிடப்பட்டுள்ள இந்த பட்டியலின் மூலம், ஜெயலலிதா செப்.22, 2016 அன்று மருத்துவமனையில் அனுமதிக்கப்படுவதற்கு முன்பே மூன்று மாதங்களாக உணவு கட்டுப்பாட்டில் இருந்துள்ளார் என்பது தெரியவருகிறது. 

மூச்சு திணறலை, உணர்ந்தது எப்படி என்பது தொடர்பாக ஜெயலலிதா பேசிய ஆடியோவையும் மருத்துவர் சிவக்குமார் விசாரணை ஆணையத்தில் தாக்கல் செய்யப்பட்டுள்ளார். அதுவும் தற்போது வெளியிடப்பட்டுள்ளது.

Tags: , ,

Leave a Reply

Your email address will not be published. Required fields are marked *

*
*